Ekadashi|Gyaras|Ekadashi Vrat Vidhi in Hindi|Nirjala Gyaras| Dev Uthani Ekadashi| Dev Soni Gyaras|Ekadashi ka Janam in Hindi

Ekadashi|Gyaras|Ekadashi Vrat Vidhi in Hindi|Nirjala Gyaras| Dev Uthani Ekadashi| Dev Soni Gyaras|Ekadashi ka Janam in Hindi

Ekadashi aka gyaras comes twice in a month. Ekadasi fast is dedicated to Lord Vishnu. Here I will tell you about all Ekadashi’s in detail. Here you can know how to observe ekadashi fast in hindi. Do not eat food made from rice on Ekadashi.

Ekadashi ka vrat bahut faldayi hota hai. Har ekadashi ko vrat karna chahiye. Is din fruits diet hi leni chahiye. Ratri jagran bhi karte hain. Agar koi bahut salon se ekadashi vrat kar raha hai to pandit ko pooch kar uska udyapan karna chahiye.

Ekadashi ka Janam| Birthday of Ekadashi

Mangsir mahine ke shukla paksha ki gyaras ko ekadashi ka janma din aata hai. Is din vrat karte hain, naha kar bhajan kirtan karte hain. Doosre din subah Brahmin ko khana khilate hain aur seedha nikalte hain.

Nirjala Ekadashi| Gyaras

Hindu calendar ke jyeshtha mahine ke Krishna paksha mein aane wali ekadashi nirjala ekadashi kehlati hai. Is ekadashi ke vrat mein pani bhi nahi peete. Agar koi itna bhookha pyasa nahi reh sakta to fruits aur doodh le sakte hain.

Is din subah surahi/kunja dete hain. Surahi mein jal bhar kar, safi se cover kar ke, dhakkan mein sugar aur dakshina dete hain. Fruits bhi dete hain. Bayna bhi nikalte hain. Ek mitti ke karve mein jal, dhakkan mein cheeni, rupees, aam rakh kar, karve par satiya bana kar tiki dete hain. Fir use hath fer kar sasu ji ko pair choo kar de dete hain. Apni behan betiyon ko bhi bayna nikalne ke liye bhejein.

Doosre din baaras ko subah jis pandit ko gyaras ka kunja diya use hi ek-ek seeda aur sharbat de dein.

Nirjala ekadashi ke udyapan mein ek ekadashi karke ya 24 ekadashi karke hawan karayein. 24 kalash (mitti ya koi bhi) paani chhanne ka kapda, 24 pankhiyan aur 24 saraswati vrat tyohar ki pustakein dene ka bahut dharm hai.

Dev Uthni Gyaras

Kartik ke mahine mein shuhla paksh ki gyaras ko dev uthani gyaras aati hai. Is din zameen par choona aur geru se dev mand kar ek kathuva rakh dete hain. Sham ko dev ki jal, moli, roli, chawal, fool, gud, ukh, char suhali, char kela, sawa ser chawal, gwar ki fali, mooli, rui(cotton), aur dakshina(Rupees) chadha kar puja karein. Diya jalayein. Dev uthane ke teen geet aur chaar badhawa gayein. Geeton mein bhagmwan ka badal kar apna naam lein.

Dev Uthane ka Geet

Utho devo baitho devo, sotakdi satkao devo|

Aal dhariya paanch pacheta, ye bahu rukman thara beta|

Aal dhariya harshaye jhameer, ye bahu yashodhara thara veer|

Jitni khoontiyan tankguni soot, jitna amber jagma poot|

Jitni abri sok malai, jitna atar bhanvar aayi|

Jitni andhar seenk salai, jitni andhar bhainwad aayi|

Jitni andhar thikriyan, jitni andhar dikriyan|

Jitna andhar ita roda, jitna andhar hathi ghoda|

Dev Soni Gyaras in Hindi

Ashad mahine ke shukla paksha ki gyaras ko dev sote hain. Is din vrat karte hain aur bhagwan ji ka naya bichhona bana kar bhagwan ji ko shayan kara dete hain. In dino mein koi bhi shubh karya nahi hote.

This was all about Ekadashi|Gyaras|Ekadashi Vrat Vidhi in Hindi|Nirjala Gyaras| Dev Uthani Ekadashi| Dev Soni Gyaras|Ekadashi ka Janam in Hindi. If you have any doubts or questions about Ekadashi please feel free to ask.