Babul Ki Duaein!

I promise the hearer to make him cry after reading the lyrics! :) Its an really emotional song from the movie 'Neel Kamal(1968)'.

Music Director: Ravi
Singer: Mohammed Rafi
Lyricist: Sahir Ludhianvi

Baabul ki duaein leti ja, ja tujh ko sukhi sansaar mile
Maike ki kabhi na yaad aye, sasural mein itna pyaar mile
Baabul ki duaein...

Naazon se tujhe paala maine, kaliyon ki tarah, phoolon ki tarah
Bachapan mein jhulaaya hai tujh ko, baanhon ne meri jhoolon ki tarah -2
Mere baagh ki ai naazuk daali, tujhe har pal nai bahaar mile
Baabul ki duaein...

Jis ghar se bandhe hain bhaag tere, us ghar mein sada tera raaj rahe
Honthon pe hansi ki dhoop khile, maathe pe khushi ka taaj rahe -2
Kabhi jis ki jyot na ho phiki, tujhe aisa roop-singaar mile
Baabul ki duaein...

Beeten tere jeevan ki ghadiyaan, aaram ki thandi chhaon mein
Kaanta bhi na chubhne paye kabhi, meri ladali tere panvon mein -2
Us dwar se bhi dukh door rahen, jis dwar se tera dwar mile
Baabul ki duaein...