Breathless!

A breathless song from the Album 'Breathless'(1998). Nice One!

Music Director: Shankar Mahadevan
Singer: Shankar Mahadevan
Lyricist: Javed Akhtar

Koi jo mila to mujhe aisa lagta tha jaise,
Meri saari dumiya mein,
Geeton ki rut aur,
Rangon ki barkha hain,
Khushboo ki aandhi hain,
Behki hui si ab saari fizaayein hain,
Mehki hui si ab saari havaayein hain,,
Khoyi hui si ab saari dishaayein hain
Badli hui si ab saari adaayein hain
Jaagi umange hain dhadak raha hain dil,
Saanson me toofan hain, hothon pe nagme hain,
Aankhon me sapne hain,
Sapno mein beete huye saare woh lamhe hain,
Jab koi aaya tha,
Nazro pe chaaya tha,
Dil me samaya tha,
Kaise mai bataun tumhe,
Kaise use paaya tha,
Pyaare se chehre pe,
Bikhri jo zulfein to aisa lagta tha jaise
Kohre ke peeche ek os me dhula hua,
Phool khila hain jaise,
Baadal me ek chaand chupa hain,
Aur jhaank raha hain jaise,
Raat ke parde mein,
Ek savera hain roshan roshan,
Aankhon me sapno ka saagar jisme,
Prem sitaaron ki chaadar jaise jhalak rahi hain,
Lahro lahro baat kare to jaise moti barse,
Jaise kahi chaand ki paayal goonje,
Jaise kahi sheeshe ke jaam gire aur chann se tootey,
Jaise koi chip ke sitaar bajaye,
Jaise koi chaandani raat me gaaye,
Jaise koi haule se paas bulaye,
Kaisi meethi baate thi wo,
Kaisi mulakate thi woh,
Jab maine jaana tha,
Nazro se kaise pighalte hain dil aur,
Aarzoo paati hain kaise manzil,
Aur kaise utarta hain chaand zameen par,
Kaise kabhi lagta hain swarg agar hain to,
Bas hain yahi par,
Usne banaya mujhe,
Aur samjhaya mujhe,
Hum jo mile hain humein,
Aise hi milna tha,
Gul jo khile hain unhe,
Aise hi khilna tha,
Janmo ke bandhan,
Janmo ke rishtey hain,
Jab bhi hum janme to,
Hum yuhi milte hain,
Kaano me mere jaise shahad sa ghulne lage,
Khwaabo ke dar jaise aankhon me khilne lage,
Khwaabo ki duniya bhi kitni hasi aur kaisi rangee thi,
Khwaabo ki duniya jo kehne ko thi par kahi bhi ni thi,
Khwaab jo toote mere,
Aankh jo khuli meri,
Hosh jo aaya mujhe,
Maine dekha maine jaana,
Wo jo kabhi aaya tha,
Nazro pe chaaya tha,
Dil me samaya tha,
Jaa bhi chuka hain aur,
Dil mera hain ab tanha tanha,
Na to koi armaa hain na koi tamanna hain,
Aur na koi sapna hain,
Ab jo mere din aur ab jo meri raate hain,
Unme sirf aansoo hain,
Unme sirf dard ki ranjh ki baate hain aur faryaade hain,
Mera ab koi nahi,
Main hu aur khoye huye,
Pyaar ki yaadein hain-3